Во согласност со Законот за пристап до информации од јавен карактер, Јавното претпријатие Градски паркинг – Скопје на својата веб-страница објавува список на информации кои спаѓаат во оваа категорија, како и податоци за одговорното лице кое постапува по вашите барања.

Барателот може да побара пристап до информација усно, писмено или по електронски пат.

Доколку барањето е усно, имателот на информацијата е должен да овозможи увид во содржината на информацијата на начин што ќе му овозможи на барателот доволно време да се запознае со неа. За ова се составува записник, освен во случаи кога се работи за информации кои, според закон, не се достапни за јавноста.

Писменото барање се доставува до архивата на институцијата што ја поседува информацијата. Барањето испратено по електронски пат се смета за писмено барање.

За поднесување на писмено барање се користи официјалниот образец за барање за пристап до информации од јавен карактер, кој е утврден од страна на директорот на Агенцијата.